🍢 سر كفتة الحاتي الأصيلة: إزاي تخليها "منفوخة" ومبتكشش؟
من النهاردة مفيش كفتة هتكش منك ولا هتطلع ناشفة! شيف بركة جاب لك الخلاصة اللي بيخبيها عنك أصحاب المطاعم. بمكونين اتنين بس موجودين في مطبخك، هتعملي كفتة حاتي هشة، طرية، وريحتها هتقلب الدنيا.
🛒 المقادير (الخلطة السرية):
- اللحم: نصف كيلو لحم مفروم (لازم يكون فيه نسبة دهن 20% على الأقل).
- البصل: 2 حبة بصل متوسطة (مبشورة ناعم ومصفاة تماماً من المية).
- السر الأول (للقوام الهش): ½ ملعقة صغيرة بيكنج بودر.
- السر الثاني (لمنع الكشاشان): 1 ملعقة كبيرة نشا.
- التوابل: ملح، فلفل أسود، ورشة جوزة الطيب (اختياري).
- للتصبيع: مية البصل + رشة سكر + معلقة زيت.
👩🍳 طريقة التحضير بالتفصيل:
1. مرحلة "تجهيز البصل":
- ابشري البصل ناعم جداً، ورشي عليه رشة ملح وسيبيه 5 دقائق، وبعدين اعصريه بإيدك كويس.
- تفل البصل: حطيه على اللحمة.
- مية البصل: شيليها في طبق جانبي (هنحتاجها في الآخر).
2. مرحلة "العجن السحري":
- ضيفي ملعقة النشا (اللي بتمتص أي سوائل زيادة وتمنع الكفتة تكش) والبيكنج بودر (اللي بيدي نفخة وهشاشة ويخليها مش مكتومة).
- اعجني اللحمة مع التوابل والتفل والنشا والبيكنج بودر لمدة لا تقل عن 10 دقائق لحد ما اللحمة "تفتل" وتعمل خيوط بيضاء.. ده سر تماسكها على السيخ.
3. مرحلة "التصبيع واللمعة":
- خدي مية البصل وضيفي عليها رشة سكر ومعلقة زيت. السكر بيدي لون "كرملة" رهيب وريحة حاتي أصلية.
- بلي إيدك بمية البصل وصبعي الكفتة على أسياخ أو معلقة خشب.
4. مرحلة "التسوية":
- ادخليها فرن سخن جداً على الشبكة، وأول ما تطلع غطيها بفويل ومعاها "فحمة" مولعة ونقطة زيت عشان تاخد ريحة الشوي.
